தமிழக கூட்டுறவு வங்கிகள் நகைக்கடன் பெற்றதில் பல மோசடிகள்
கண்டுபிடிக்கப்பட்டுள்ளது. இதற்கு உரிய நடவடிக்கைகள் மேற்கொள்ளப்படும் என்று
தெரிவிக்கப்பட்டுள்ளது.
கூட்டுறவு வங்கிகள்:
தமிழகத்தில் கூட்டுறவு வங்கிகளில் கூட்டுறவு வங்கிகளில் வாங்கிய 5 சவரன் அளவுள்ள நகைக்கடன் தள்ளுபடி செய்யப்படும் என்று முதல்வர் கடந்த சட்ட மன்ற தேர்தலில் வாக்குறுதி அளித்தார். தற்போது அதனை நிறைவேற்றும் வண்ணம் அரசு பல்வேறு நடவடிக்கைகளை மேற்கொண்டு வருகிறது. தமிழகம் முழுவதும் உள்ள கூட்டுறவு சங்களின் மொத்த நகை கடன் 85 ஆயிரம் கோடி என்று கூட்டுறவு சங்கத்தினர் தெரிவித்துள்ளனர். இந்த நிலையில் பல்வேறு நிபந்தனைகளுடன் தள்ளுபடி செய்ய அரசு முடிவு செய்துள்ளது.
அதனால் கூட்டுறவு சங்ககளில் நகைக்கடன் பெற்றவர்களிடம் விவரங்கள் சேகரிக்கப்பட்டு வரப்படுகிறது. ஆய்வில், கடந்த அதிமுக அரசின் ஆட்சியின் போது ஏழை எளிய மக்களுக்கான நகை கடன் திட்டத்தில் பல்வேறு முறைகேடுகள் செய்திருப்பது கண்டுபிடிக்கப்பட்டது. இது தொடர்பாக 10 ஊழியர்கள் மீது காவல்துறையினர் வழக்குப்பதிவு செய்துள்ளனர். திருவண்ணாமலை மாவட்டத்தில் ஒரே குடும்பத்தை சேர்ந்த உறுப்பினர்கள் ஒன்றுக்கும் மேற்பட்ட கூட்டுறவு நிறுவனங்களிலிருந்து, ஒன்றுக்கும் மேற்பட்ட கடன்கள் மூலம் 5 பவுனுக்கு மேல் நகை அடகு வைத்து கடன் பெற்று முறைகேடு செய்தது கண்டறியப்பட்டது.
கன்னியாகுமரி, சிவகங்கை, திருவாரூர்
மற்றும் திருப்பத்தூர் மாவட்டங்களில் நகை கடன் மோசடி நடந்துள்ளது. நகைக்கடன்
முறைகேடு தொடர்பாக தினந்தோறும் தகவல்கள் வெளியாகி வரும் சூழலில் இது தொடர்பாக
ஆய்வு செய்ய குழுவை தமிழக அரசு அமைத்துள்ளது. இந்த குழு தமிழ்நாடு
முழுவதும் அனைத்து கூட்டுறவு நிறுவனங்களிலும் பெறப்பட்ட நகை கடன்களை 100 சதவீதம்
ஆய்வு செய்யும் என்று தமிழக அரசு தெரிவித்துள்ளது.
0 Response to "தமிழக கூட்டுறவு வங்கிகளில் நகைக்கடன் தள்ளுபடி – முக்கிய உத்தரவு பிறப்பிப்பு!"
Post a Comment