மதுரை
மாவட்டத்தில் வேலை தேடும் இளைஞர்களுக்கு வேலைவாய்ப்பு அளிக்கும் விதமாக
வேலைவாய்ப்பு முகாம் நாளை அதாவது வெள்ளிக்கிழமை (நவ.12) நடைபெற உள்ளது.
தகுதியும், விருப்பமும் உள்ளவர்கள் நேரில் சென்று
பயன்பெறுமாறு கேட்டுக்கொள்ளப்படுகிறது.
வேலைவாய்ப்பு
முகாம்:
தமிழகத்தில்
கொரோனாவை தொடர்ந்து பல்வேறு வேலைவாய்ப்பு அறிவிப்புகள் வெளியிடப்பட்டு வருகின்றன.
பெரும்பாலான இளைஞர்கள் அரசு வேலையை எதிர்பார்த்து காத்துக் கொண்டிருக்கின்றனர்.
எனினும் சிலர் தனியார் நிறுவனத்தில் பணியாற்றினால் போதும் என்று வேலை தேடிக்
கொண்டிருக்கின்றனர். தற்போது கொரோனா பரவல் குறைந்து வருவதால் பல்வேறு நிறுவனங்களில்
வேலைவாய்ப்பு அறிவிப்பு வெளியிடப்பட்டு வருகிறது. இந்நிலையில் மதுரை மாவட்ட
வேலைவாய்ப்பு மற்றும் தொழில்நெறி வழிகாட்டு மையத்தின் சார்பில் வேலைவாய்ப்பு
முகாம் நடத்த முடிவு செய்து கடந்த வாரம் அறிவிப்பு வெளியிடப்பட்டது.
அந்த வகையில் 10 ம் வகுப்பு
தேர்ச்சி பெற்றவர்கள் முதல் பட்டப்படிப்பு, ஐடிஐ, டிப்ளமோ மற்றும் கணினி பயிற்சி உள்ளிட்ட தொழிற்கல்வி தகுதி பெற்றவர்கள் என
அனைவருக்கும் வேலைவாய்ப்பு அளிக்கும் வகையில் இந்த வேலைவாய்ப்பு முகாம் நடத்த
முடிவு செய்யப்பட்டுள்ளது. இந்த முகாமில் பல்வேறு முன்னணி தனியார் நிறுவனங்கள்
நேரடியாக கலந்து கொண்டு தங்களது நிறுவனங்களுக்கு தகுதியான நபர்களை தேர்வு செய்ய
உள்ளனர். அதனால் விருப்பமும், தகுதியும் உள்ள வேலை தேடும்
இளைஞர்கள் தங்களது கல்விச் சான்றிதழ்கள், குடும்ப அடையாள
அட்டை, ஆதார் அட்டை மற்றும் புகைப்படத்துடன் நேரில் வருமாறு
அறிவுறுத்தப்பட்டுள்ளது.
அதன்படி நாளை (நவ.12) காலை 10 மணியளவில்
மதுரை கோ.புதூரில் உள்ள மாவட்ட வேலைவாய்ப்பு மற்றும் தொழில்நெறி வழிகாட்டு
மையத்திற்கு உரிய ஆவணங்களுடன் நேரில் சென்று பயன்பெறுமாறு அறிவுறுத்தப்பட்டுள்ளது.
இந்த அரிய வாய்ப்பினை வேலை தேடும் அனைவரும் பயன்படுத்திக் கொள்ளும் வகையில் மதுரை
மாவட்ட வேலைவாய்ப்பு மற்றும் தொழில்நெறி வழிகாட்டு மைய துணை இயக்குநர் நா.
மகாலெட்சுமி அவர்கள் இந்த தகவலை வெளியிட்டுள்ளார்.
0 Response to "மதுரை மாவட்டத்தில் நாளை (நவ.12) தனியார் துறை வேலைவாய்ப்பு முகாம் – முன்னணி நிறுவனங்கள் பங்கேற்பு!"
Post a Comment