உடற்பயிற்சி என்பது ஆரோக்கியமான ஒரு விஷயமாகும். தினமும்
உடற்பயிற்சி செய்வது உடலுக்கு நன்மை பயக்கும் என கூறப்படுகிறது. ஆனால் சில
உடற்பயிற்சிகள் நமது இதயத்திற்கு அபாயத்தை ஏற்படுத்துகின்றன. அவற்றை நாம் அடையாளம்
காணுவது மூலம் அந்த உடற்பயிற்சியை தவிர்க்கலாம்
உங்கள் மனநிலையை அதிகரிப்பது முதல் இதய ஆரோக்கியத்தை
அதிகரிப்பது வரை பல்வேறு உடல் நலன்களை உடற்பயிற்சி கொண்டுள்ளது. மேலும் உடலை
சரியாக பராமரிக்கவும் உடற்பயிற்சி உதவுகிறது. தினமும் உடற்பயிற்சி செய்வது மற்றும்
புத்தகம் படிப்பது என்பது ஒரு மனிதன் செய்ய கூடிய அடிப்படை விஷயங்களாக
பார்க்கப்படுகிறது.
இதய ஆரோக்கியம்
இதயத்தை ஆரோக்கியமாக வைத்திருப்பதில் உணவை விடவும்
உடற்பயிற்சிக்கு முக்கிய பங்குண்டு. கூர்முனை என்னும் உடற்பயிற்சியானது உங்கள் இதய
துடிப்பு மற்றும் இதய தசைகளை பலப்படுத்துகிறது. மேலும் இது நுரையீரலின் திறனை
அதிகரிக்க உதவுகிறது. ஆனால் சமீபத்தில் நடத்தப்பட்ட ஒரு ஆய்வு நம்மை திடுக்கிட
செய்யும் தகவல்களை வழங்கியுள்ளது. அதன்படி மாரடைப்பு அபாயத்தை அதிகரிக்க கூடிய சில
உடற்பயிற்சிகளும் இருப்பதாக கூறப்படுகிறது. அவை என்ன வகையான உடற்பயிற்சிகள் என
பார்ப்போம்.
மாரடைப்பிற்கு வழி வகுக்கும் உடற்பயிற்சிகள்
பொதுவாக உங்கள் இதய தசைகளை வலுப்படுத்தவும் இருதய நோய்கள்
வருவதற்கான அபாயத்தை குறைக்கவும் தினமும் குறைந்தது 150 நிமிடங்கள் மிதமான மற்றும்
தீவிர உடற்பயிற்சியில் ஈடுப்படலாம். ஆனாலும் சமீபத்தில் வெளியான ஒரு ஆய்வில் அதிக
தீவிரம் கொண்ட உடற்பயிற்சிகள் மற்றும் அதிகப்படியான சிரமத்தை ஏற்படுத்தும்
உடற்பயிற்சிகள் கடுமையான இதய பிரச்சனைகளை உருவாக்கும் அபாயத்தை கொண்டுள்ளன என
தெரிய வந்துள்ளது.
தீவிர உடற்பயிற்சி
தீவிர உடற்பயிற்சி போன்ற நிகழ்வுகளில் போட்டியிடும் ஒரு
நபருக்கு மாரடைப்பு வருவதற்கான அபாயங்கள் அதிகமாக இருப்பதாக கூறப்படுகிறது.
அதிகப்படியான செயல்பாடுகள் ஏன் மாரடைப்பிற்கு காரணமாக
உள்ளன.
யு.எஸ் நேஷனல் லைப்ரரி ஆஃப் மெடிசன் என்ற தேசிய சுகாதார
நிறுவனம் வேளியிட்ட ஆய்வின்ப்படி, தீவிர உடற்பயிற்சியானது திடீர் இதய தடுப்பு (எஸ்.சி.எ)
அல்லது திடீர் இதய இறப்பு (எஸ்.சி.டி) அபாயத்தை ஏற்படுத்தும் என கூறப்படுகிறது.
ஓட்டப் பந்தய வீரர்கள்
ஓட்ட பந்தய வீரர்கள் மீது மேற்கொள்ளப்பட்ட ஒரு ஆய்வில்
தீவிரமாக இயங்கும் பயிற்சிகளை முடித்த பிறகும் கூட இந்த வீரர்களின் இரத்த
மாதிரிகளில் இதயம் தொடர்பான சிக்கல்களுடன் தொடர்புடைய பயோமார்க்ஸர்கள் இருப்பது
கண்டறியப்பட்டது. இந்த குறிப்பான்கள் உடலில் வழக்கமாக இருப்பவைதான். ஆனால் ஒரு
நபர் தீவிர உடல் செயல்பாடுகளில் ஈடுபடும்போது அது இதயத்தை சுற்றியுள்ள அடர்த்தியான
இதய சுவர்களில் பிரச்சனையை ஏற்படுத்துகின்றன.
எனவே அதிக தீவிரம் கொண்ட உடற்பயிற்சி மேற்கொள்வது என்பது
ஏற்கனவே இதய பாதிப்பு கொண்டவர்களுக்கு மேலும் இதய அபாயத்தை ஏற்படுத்த
வாய்ப்புள்ளது. எனவே அவர்கள் தாங்கள் செய்யும் உடற்பயிற்சி குறித்து விழிப்பாக
இருப்பது முக்கியமாகும்.
மாற்று முறை:
உடற்பயிற்சி நமது ஆரோக்கியத்திற்கு நன்மை பயக்க கூடியது.
நாம் தினமும் உடற்பயிற்சி செய்ய வேண்டும். இதை யாரும் மறுக்க முடியாது. ஆனால்
இதில் சிக்கல் என்னவென்றால் அனைவரும் கடுமையான உடற்பயிற்சியை மேற்கொள்ளலாமா? என்பதே. ஒவ்வொரு
நபரும் தினமும் 30 நிமிடம் மிதமான அல்லது தீவிர உடற்பயிற்சியை செய்யலாம். ஆனால்
இது மனிதருக்கு மனிதர் மாறுப்படும். ஒருவர் அவரின் உடல் வலிமையை பொறுத்தே
உடற்பயிற்சியை செய்ய வேண்டும்.
உடலுக்கு சவால் விட்டு நமது உடலால் செய்ய முடியாத அளவு
உடற்பயிற்சியை மேற்கொள்ள கூடாது. மரபணு அல்லது இதய பிரச்சனையால் பாதிக்கப்பட்ட
நபர்கள் அனைவருக்கும் இது முக்கியமான விஷயம் ஆகும். மேலும் உடற்பயிற்சியில்
எப்போதும் அடுத்த பயிற்சியை மேற்கொள்ளும் முன் உடலுக்கு ஓய்வு கொடுங்கள். இந்த
விஷயத்தில் நீங்கள் எதாவது சிக்கலை அணுகினால் அது குறித்து உங்கள் மருத்துவரிடம்
பேசுங்கள்
0 Response to "உடலைச் சரியாக பராமரிக்க உடற்பயிற்சி - மாரடைப்பு அபாயத்தை அதிகரிக்கும் உடற்பயிற்சிகள் என்னென்ன."
Post a Comment