சர்க்கரை நோயைக் குணப்படுத்தும் வெந்தயம்

ஆரம்ப கால சர்க்கரை நோயை முழுமையாக குணப்படுத்தும் அபூர்வ குணமிக்கது வெந்தயம்!
 
எப்போதும் சுவையில் இனிப்பை காட்டிலும் கசப்பு நிறைந்த சுவையே ஆரோக்கியத்துக்கு நல்லது என்று சொல்வார்கள்.
 
சமையலறையில் அஞ்சறைபெட்டியில் தவிர்க்காமல் இருக்கும் பொருள்களில் வெந்தயமும் ஒன்று. கசப்புமிகுந்த வெந்தயம் தரும் பலன்கள் இனிப்பானது. கரையும் மற்றும் கரையாத நார்ச்சத்து என்று இரண்டையும் கொண்டிருக்கும் சிறந்த குணமுடையது வெந்தயம்.
 
ஆயுர்வேதம், சித்தமருத்துவம், இயற்கை மருத்துவம், வீட்டு வைத்தியம் என்று பேதமில்லாமல் அனைத்து மருத்துவங்களிலும் இவை பயன்படுத்தப்படுகிறது. வெந்தய விதைகள் உடலுக்கு இரும்பு பலத்தை கொடுக்க கூடியவை. தீரா நோய்களை தீர்ப்பது முதல் பெரும் நோய்களை கட்டுக்குள் வைக்கவும் வெந்தயம் உதவும். சிறப்பு குணமிக்க வெந்தயத்தின் நன்மைகளை தெரிந்துகொள்வோம்.
 
நீரிழிவு
 
இன்று உலகை அச்சுறுத்திவரும் தீரா நோய்களில் சர்க்கரைநோயும் ஒன்று. உணவு வழியாக இந்நோயை கட்டுப்படுத்த முடியுமா என்னும் ஆய்வில் வெந்தயமானது டைப் -2 சர்க்கரை நோயை கட்டுப்படுத்துவதாக கண்டறியப்பட்டுள்ளது. உணவுக்கு பிறகு ரத்த சர்க்கரை அளவும், கணையத்திலிருந்து இன்சுலின் சுரப்பை தூண்டவும், குடல் ரத்த சர்க்கரையை உறிஞ்சும் அளவையும் குறைக்கவும் வெந்தயம் உதவுகிறது. நீரிழிவு நோய்க்கு உட்பட்டவர்கள் வெந்தயத்தை தினமும் எடுத்துகொண்டால் சர்க்கரை அளவு கட்டுக்குள் இருக்கும். பரிசோதனையில் சர்க்கரை வரக்கூடிய நிலையில் இருப்பது உறுதியானால் நீரிழிவை ஆயுள் முழுக்க வராமல் செய்யலாம்.
 
கெட்ட கொழுப்பு ஈஸியா குறைய இதை சாப்பிட்டாவே போதுமாம், என்னன்னு தெரிஞ்சுக்கலாமா?
 
எப்படி எடுத்துகொள்ளலாம்
 
வெந்தயத்தை இரவு ஊறவைத்து மறுநாள் காலை துணியில் கட்டி முளைகட்டவும். இதை தினமும் காலையில் ஒரு டீஸ்பூன் அளவு மென்று சாப்பிட்டால் போதுமானது. இந்த அளவுக்கு மீறி எடுக்க வேண்டாம். அதே நேரம் வெந்தயத்தை தொடர்ந்து எடுக்கும் போது அவ்வபோது ரத்தத்தில் சர்க்கரை பரிசோதனைசெய்வதும் அவசியம். வெந்தயத்தை முளைகட்டி சாப்பிட்டால் அதன் கசப்பு தன்மை குறைவாக இருக்கும்.
 
ஆண்கள்
 
ஆண்களுக்கு மிக முக்கிய தேவை டெஸ்ட்டோஸ்டிரான் என்னும் ஹார்மோன். ஆண்மைக்கு உதவக்கூடியது இந்த ஹார்மோன். வலிமையான தசைகளையும் இல்லற வாழ்வில் ஈடுபாடும் தரக்கூடிய இந்த ஹார்மோன் சுரப்பு குறைவாக இருந்தால் அதை ஈடு செய்ய வெந்தயம் உதவும்.
 
இரண்டு மாதங்கள் தொடர்ந்து வெந்தயம் உட்கொண்ட ஆண்கள் இல்லற வாழ்வில் வழக்கத்தை விட கூடுதலாக வலிமை பெற்றிருந்ததாக கூறினார்கள். மேலும் இவர்களது உடலில் இருந்த கொழுப்பு சத்தின் அளவும் 2% குறைந்திருந்தது கண்டறியப்பட்டது. எனினும் இது குறித்த ஆராய்ச்சிகள் தேவைப்படுகிறது. ஹார்மோன் அளவை சீராக வைப்பதால் வெந்தயம் ஆண்களுக்கும் பெண்களுக்கும் ஏற்றது.
 
பெண்கள்
 
மாதவிடாய் பிரச்சனை முதல் பிரசவத்துக்கு பிறகு தாய்ப்பால் கொடுக்கும் வரை அனைத்து நேரங்களிலும் கை கொடுக்க உதவுகிறது வெந்தயம். மாதவிடாய் நேரத்தில் உண்டாகும் வலிகளுக்கு கர்ப்பப்பை, கர்ப்பப்பை சுற்றி உள்ள இடங்களில் உண்டாகும் குறைபாடு என்று பல காரணங்களை சொன்னாலும் இந்த வலி உணர்வை குறைக்க வெந்தயம் தான் உதவுகிறது. ஏனெனில் வெந்தயத்தில் இருக்கும் டயாஜினின் என்னும் சத்து ஈஸ்ட்ரோஜன் சத்து போன்று செயல்படகூடியவை. இவை கர்ப்பப்பயை வலுவாக்கும். கர்ப்பக்காலத்தில் இரும்புச்சத்து குறைபாடு, கால்சியம் குறைபாடு வராமல் இருக்க வாரத்தில் இரண்டு நாள் ஒரு டீஸ்பூன் அளவு வெந்தயத்தை முளைகட்டி எடுத்துகொண்டால் போதுமானது.
 
பாலூட்டும் தாய்மார்கள் தாய்ப்பால் சுரப்பு அதிகரிக்க, வெந்தயத்தில் இருக்கும் கேலக்டோகோக் என்னும் வேதிப்பொருள் உதவுகிறது. மெனோபாஸ் காலங்களில் ஏற்படும் மன அழுத்தத்தை போக்கவும் இவை உதவுகிறது.
 
கொழுப்பு
 
உடலில் உண்டாகும் பல்வேறு நோய்களுக்கு காரணமே உடலில் இருக்கும் கெட்ட கொழுப்பு அதிகமாக இருப்பதுதான். எல்.டி.எல் எனப்படும் கெட்ட கொழுப்பின் அளவை உணவு வழியாகவும் குறைக்கலாம். அதை சிறப்பாக செய்கிறது வெந்தயம்.
 
வெந்தயத்தில் இருக்கும் கால்க்டோமனைன் என்னும் வேதிப்பொருள் எல்.டி.எல் கொழுப்பை குறைக்க உதவுகிறது. இதிலிருக்கும் ஹைபோலிபிடமிக் என்னும் பொருள் கொழுப்பின் அளவை சீராக வைக்க உதவுகின்றன. ரத்த ஓட்டம் சீராவதால் இதய நோய் வருவதும் பெருமளவு தடுக்கப்படுகிறது.
 
கொழுப்பு குறித்த ஆய்வு ஒன்றில் வெந்தயம் உட்கொள்பவர்கள் கொழுப்பை குறிப்பிட்ட சதவீதம் குறைத்தது கண்டறியப்பட்டது. வெந்தயம் பெருங்குடல் அழற்சி, நெஞ்செரிச்சல் இன்னும் பல பிரச்சனைகளுக்கு இவை தீர்வு தரும் என்றாலும் இது குறித்த ஆய்வுகள் இன்னும் தேவைப்படுகிறது.
 
​சிறுநீரகம்
 
வெந்தயத்தில் இருக்கும் பாலிஃபீனோலிக் ப்ளோவனாய்டுகள் சிறுநீரகங்களின் செயல்பாட்டை சீராக்க உதவுகிறது. இதனால் சிறுநீரகங்கள் உடலில் இருக்கும் நச்சுக்களை தங்கவிடாமல் முழுமையாக வெளியேற்றுகிறது. உப்பு துகள்கள் படியாமல் சிறுநீரககற்கள் உருவாவதையும் இவை தடுக்கிறது. மேலும் நீரிழிவு கட்டுக்குள் இல்லாத போது சிறுநீரை அடக்கமுடியாமல் அவதிக்குள்ளாவதும் ஓரளவு கட்டுப்படுத்தும் வகையில் செயல்படுகிறது.
 
​சருமத்துக்கும் கூந்தலுக்கும்
 
வெந்தயத்தின் அதீத நன்மைகள் உடல் ஆரோக்கியம் போன்றே சருமத்துக்கும், கூந்தலுக்கும் அளவில்லாமல் தருகிறது. கூந்தலில் பொடுகு, இளநரை வராமல் தடுக்கவும், முடியை மிருதுவாக்கவும், முடி வளர்ச்சியை அதிகரிக்கவும், கூந்தலை சுத்தம் செய்யவும் பயன்படுகிறது. வழவழப்பு தன்மை கொண்ட வெந்தயம் சருமபிரச்சனைகளை அகற்றி சருமத்தையும் மிருதுவாக வைத்திருக்க உதவுகிறது.
 
பலம் தரும் பனங்கருப்பட்டி நன்மைகள் அறிவோமா!
 
வெந்தயத்தை உணவில் தாளிப்பு பொருளாக சேர்த்தும், வெந்தயத்தை பொடியாக்கி தினமும் காலை வெதுவெதுப்பான நீரில் கலந்தும், வெந்தயத்தை முளைகட்டியும் சாப்பிடலாம். தினம் ஒரு டீஸ்பூன் அளவு போதுமானது. தினமும் 10 முதல் 30 கிராம் அளவுக்கு மேல் எடுத்துகொள்ள வேண்டாம்.

Share this post